COVID19 – Tannlæknastovan í Sandavági tryggjar neyðuga viðgerð
18.03.2020
Heilsumyndugleikarnir hava tann 17. mars hert munandi um tiltøkini móti corona virus, soleiðis at samlaði heilsugeirin nú stendur saman og tryggjar neyðugar viðgerðir. Hetta merkir ítøkiliga at tannlæknastovur nú avlýsa alla viðgerð sum kann bíða. Átakið er fyribils galdandi til 30. juni 2020.
Átakið frá heilsumyndugleikunum er galdandi fyri allan heilsugeiran, tvs. øll løggild heilsustarvsfólk, eisini fysioterapeutar, ergoterapeutar, fótarøkt, tannrøktarar v.fl.
Hvat kann so nú gerast hjá tannlækna?
Tannlæknastovan í Sandavági hevur enn opið sum vanligt, frá 8:30 til 16 hvønn gerandisdag, og vilja vit heita á tykkum um at ringja á tlf. 33 27 26, ella skriva til okkum á ts@ts.fo – so vegleiða vit fegin.
Tað er framvegis trygt at koma til viðgerð, og allar neyðugar viðgerðir verða sjálvandi gjørdar! Vit gera framvegis alt vit eru før fyri, fyri at tryggja tykkara tannheilsu, og einans viðgerðir ið kunnu bíða verða útsettar.
Stutt ófullfíggjað yvirlit yvir, hvat kann bíða:
- Reglulig kanning
- Tannreins
- Smærri hol
- Kosmetisk viðgerð
Stutt ófullfíggjað yvirlit yvir, hvat ikki kann bíða:
- Traumur á tenn (tannskaðar)
- Tannapínur
- Bruni
- Størri hol
- Loysnaðar ella brotnar protesur, krúnur ella brýr
- Brotnir ella leysir boylar til tannrætting
Hvat við tannrætting hjá børnum?
Hevur barn tygara boyla, og skal til kontrol, tekur boylatannlæknin støðu til um kontrol kann bíða ella ikki.
Eru nøkur ivamál, so ringi endiliga inn á tlf. 33 27 26. Tannlæknarnir eru klárir at taka sær av tí neyðuga.
G.G. Hevur tú sjúkutekin, verið uttanlanda seinastu 14 dagarnar, ella verið í samband við ein ið hevur fingið staðfest smittuna, skalt tú ikki koma til tannlæknastovuna, hóast tú hevur tannapínu. Tú skalt tá seta teg í samband við tín kommunulækna.
Tannlæknastovan í Sandavági
Torkilsvegur 13
FO-360 Sandavágur
Tlf. 33 27 26
