Depositum á gravi- og byggiloyvi

13.09.2021

Á býráðsfundinum 31. august legði borgarstjórin uppskot fyri býráðið um at áleggja eitt depositum á kr. 20.000,-, tá gravi- og byggiloyvi verða útskrivað.

Hetta depositum er fyri at dekkað møguligar útreiðslur, sum kommunan kann fáa av at umvæla møguligar skaðar á veg, kantsteinar o.a., sum kunnu verða gjørdir í sambandi við arbeiði við útgrevstri ella bygging.

Um skaði er gjørdur, ið kostar meir enn kr. 20.000,-, verður rokning send fyri írestandi upphæddina.

Um ongin skaði er hendir tá byggingin er liðug, fær ánarin peningin goldnan aftur.

Býráðið samtykti at fylgja uppskotinum hjá borgarstjóranum.