Heita á borgarar um at rudda uttanfyri

04.12.2024

Við vánaligum veðri í væntu, verður heitt á allar borgarar um at fyrireika seg við at hyggja uttan um húsini og fáa alt, sum liggur leyst, burtur ella surrað fast, so tað ikki fer á flog og ger skaða á onnur.

Boða verður frá at veðrið broytist út á seinnapartin í dag og veksur upp í hvassan vind. Seint í kvøld veksur hann til skrið ella storm, við nógvum regni. Í nátt lækkar vindurin, men á morgni verður stormur fyrrapartin.