Minnst til at klippa trø og runnar

01.04.2025

Nú várvøksturin veruliga tekur dik á seg, vilja vit minna borgarar í Vága kommunu á at ansa eftir, at trø og runnar ikki eru til ampa fyri tey sum eru til gongu, renna ella súkkla og grannar. Tað er av stórum týdningi fyri ferðslutrygdina og trivnaðin í kommununi, at vøksturin verður hildin innan mark og ikki órógvar gongubreyt, súkklubreyt, koyribreyt ella grannar.

Kommunan fær javnan áheitanir frá borgarum um gróður, ið er til ampa og vanda. Vit heita tí á øll um at klippa og halda trø og runnar í einum hóskandi standi. Hetta er serliga umráðandi nærhendis vegamótum og skeltum, so tað er gott sýni hjá øllum ferðandi í ferðsluni.